• Laat ons weet as daar 'n diens of hulpmiddel is waarvan ons nie bewus is nie.
• Laat ons ook weet as daar 'n behoefte is waarvoor die netwerk 'n hulpmiddel of diens kan ontwikkel.

Dienste

Fasilitering

Communitas en CFN lewer gespesialiseerde opleiding in fasiliteringsvaardighede. Heelparty sinodes het reeds 'n eie fasiliteringsdiens opgebou.  GDN kan jou help om by die regte diens uit te kom.

Kursusse

Die vernaamste ontwikkelaars van kursusse en opleiding is Communitas, Excelsus, SBO en Shepherd. Hulle vorm saam die nuutgestigte Verdere Bedienings Ontwikkeling(VBO) forum. Nader hulle direk vir die 2008 aanbiedinge. Nader ook enige een van: Bybel-Media, CABSA, TIW, Die PLAN en Kingfisher vir die kursusse wat op hulle gebied lê.

Navorsingsgroepe

Communitas, Excelsus, SBO en Shepherd het verskeie navorsingsgroepe.  Nader hulle direk vir betrokkenheid. EGON onderneem godsdiens-sosiologiese navorsing aan die hand van die RSA sensus-data en Kerkspieël aan die hand van vraelyste wat onder NG gemeentes versprei word.

Publikasies

Bybel-Media is die publikasie arm van die NG Kerk. Bestellings kan direk van die webtuiste af gedoen word of by die telefoon nommer 0860 26 44 32.

Retraites

Baie NG ringe reël al self hulle retraites. Communitas, Excelsus, SBO en Shepherd bied ook verskillende retraites aan en kan direk daarvoor genader word. Die Leierskap retraite wat vanuit 'n roepingsverstaan ontwikkel is, verdien spesiale vermelding.

Seisoen van Luister

Die Seisoen van Luister wen steeds veld in die NG Kerk. Veral die waardes van leerbaarheid, vertroue, deernis en openheid word al hoe meer sigbaar in die werkswyses van sinodes, ringe en gemeentes. Daar is reeds 10 publikasies vir gebruik in die Seisoen van Luister en nog 'n hele paar wat in die pyplyn is. Hou die tuisblad van GDN dop ...!